Абай облысында «Бейсаналық мүмкіндіктер» хакатоны өз мәресіне жетті
Абай облысында ерекше білім беруді қажет ететін студенттерге арналған халықаралық қатысуымен өтетін алғашқы республикалық «Бейсаналық мүмкіндіктер» хакатоны аяқталды. Іс-шараның салтанатты ашылуы Абай атындағы қазақ музыкалық-драма театрында өтті.
Хакатонның негізгі мақсаты — ерекше білім берілуін қажет ететін жастардың кәсіби және жеке даму мүмкіндіктерін кеңейту, олардың қоғамға бейімделуіне және әлеуметтік интеграциясына жағдай жасау.
Биылғы хакатон Жұмысшы мамандықтар жылы аясында ұйымдастырылып, білікті мамандар даярлау мен инклюзивті білім беруді дамыту маңыздылығын атап өтті.
Іс-шара талантты жастарды, сарапшыларды және әлеуметтік серіктестерді біріктіріп, шығармашылық пен инновацияға толы алаңға айналды.
