Семей қаласының әкімі лауазымына кандидаттың колледж ұжымымен кездесуі
Бүгін сағат 10:00-де Семей қаласының әкімдігіне кандидат Қаныш Мақсұтұлы Төлеуов IT және жаңа технологиялар жоғары колледжінде жоғары курс студенттерімен және оқытушылар құрамымен кездесті.
Кездесу барысында үміткер қалалық инфрақұрылымды дамытуға, жастар мен білім беруді қолдауға, сондай-ақ цифрландыру мен инновациялық жобаларға баса назар аудара отырып, өзінің сайлауалды тұғырнамасын таныстырды.
Студенттер мен оқытушылар қауымы қаланың болашағы, жастар саясаты, түлектердің жұмысқа орналасу мүмкіндіктері туралы сұрақтарын қоя алды. Ашық диалог жағдайында Семей қаласының өміріне қатысты өзекті мәселелер мен оның даму перспективалары талқыланды.
Мұндай кездесулер жастардың азаматтық белсенділікке саналы көзқарасын дамытуға және әр адамның өз қаласы мен елінің өміріне қатысуының маңыздылығын түсінуге көмектеседі.
