TurkihSkills халықаралық чемпионатындағы үлкен жеңіс!
Ақтау қаласында TurkihSkills халықаралық чемпионаты аясында техникалық және кәсіптік білім беру ұйымдарының үздіктерін марапаттау рәсімі өтті.
«Стартаптар мен инновациялық жобалар орталығы» номинациясында ең жоғары марапатқа IT және жаңа технологиялар жоғары колледжі лайық деп танылды!
Марапатты ҚР Оқу-ағарту вице-министрі Майра Мелдебекова табыстап, колледждің инновациялық инфрақұрылымды дамытуға, студенттік стартаптарды қолдауға және IT жобаларын жүзеге асыруға қосқан үлесін атап өтті.
Бұл жеңіс — колледж ұжымының, оқытушылар мен студенттердің жүйелі еңбегінің нәтижесі, сондай-ақ білім беру процесіне заманауи технологияларды енгізу жолындағы табанды еңбектің жемісі.
Колледж ұжымын халықаралық деңгейдегі жоғары марапатпен құттықтаймыз және жаңа жетістіктер тілейміз!
