Қолданбалы бакалавриат және академиялық мобильділік бағдарламасы бойынша ТУСУР университетіне студенттердің сапары
2025 жылдың 2–9 қарашасы аралығында Жоғары IT және жаңа технологиялар колледжінің қолданбалы бакалавриат және академиялық мобильділік бағдарламасына қатысушы студенттері Томск мемлекеттік басқару жүйелері және радиоэлектроника университетіне (ТУСУР) оқу сапарына барды.
Сапар барысында студенттер практикалық сабақтарға, мастер-кластарға қатысып, университет оқытушыларымен кездесулер өткізді. Бағдарламада заманауи IT бағыттары, радиоэлектроника саласындағы инновациялар, жобалық оқыту және жаңа білім беру технологияларын қолдану мәселелері қамтылды.
Бұл сапар студенттердің кәсіби дамуына зор үлес қосып, олардың танымын кеңейтуге, ресейлік әріптестерімен тәжірибе алмасуға және жетекші техникалық университеттің білім беру ортасымен танысуға мүмкіндік берді.
Академиялық мобильділік аясындағы осындай жобалар халықаралық ынтымақтастықты нығайтып, жаңа буын мамандарын даярлау сапасын арттыруға ықпал етеді.
