«Talap» КЕАҚ президентінің Абай облысына жұмыс сапары
«Шексіз мүмкіндіктер» республикалық хакатоны аясында «Talap» КЕАҚ президенті Абай облысына жұмыс сапарымен келіп, өңірдегі колледждердің қызметімен танысты.
Сапар барысында ол құзыреттілік орталықтарын аралап, білім беру мекемелерінің техникалық базасын көріп, оқу процесіндегі жаңа тәсілдер мен жүзеге асырылып жатқан инновациялық жобалармен танысты.
Ерекше назар IT және жаңа технологиялар жоғары колледжіне аударылды. Колледжде өңірдің білім беру жүйесін цифрландыруға, IT бағыттарын дамытуға және оқыту сапасын арттыруға бағытталған заманауи жобалар белсенді түрде іске асырылуда.
Бұл сапар «Talap» КЕАҚ мен өңірлік білім беру ұйымдары арасындағы ынтымақтастықты нығайтудың маңызды қадамы болып, техникалық және кәсіптік білім беру жүйесінде цифрлық трансформация мен инновациялардың рөлін айқын көрсетті.
