Колледждің 85 жылдығына арналған «Шексіз мүмкіндіктер» Республикалық хакатонының салтанатты ашылуы
Абай атындағы Қазақ драма театрында «Шексіз мүмкіндіктер» Республикалық хакатонының салтанатты ашылуы өтті. Бұл маңызды шара IT және жаңа технологиялар жоғары колледжінің 85 жылдығына орай ұйымдастырылды.
Хакатонға Қазақстанның барлық өңірлерінен келген қатысушылармен қатар, Қырғызстан мен Ресейден келген қонақтар қатысты. Ашылу рәсіміне жас мамандар, тәжірибелі менторлар, колледждің әлеуметтік серіктестері, сондай-ақ «Талап» КЕАҚ өкілдері қатысып, бастаманы қолдап, оның IT білімін дамытудағы маңыздылығын атап өтті.
Хакатон — білімге, жаңа идеяларға және халықаралық ынтымақтастыққа шекара қоймайтын кеңістік. Ол заманауи технологиялық міндеттерді шығармашылықпен шешуге мүмкіндік беретін инновациялық алаңға айналды.
Колледждің мерейтойына арналған бұл шара жастардың цифрлық құзыреттерін дамытуға, жаңа жетістіктерге және биік мақсаттарға жол ашатын маңызды қадам болды.
