«Абай облысы – лудомансыз аймақ» форумындағы байқаудың жүлдегері
ПО-50 тобының 1-курс студенті Зейнолла Адель «Көрермендер көзайымы» номинациясы бойынша II орын иегері атанды. Байқау Абай облысының Экономикалық тергеу департаменті мен облыс әкімдігінің бірлесуімен ұйымдастырылды.
Конкурс «Абай облысы – лудомансыз аймақ» форумының аясында өтіп, жастар арасында құмар ойындарының қауіптері туралы ақпараттандыруды мақсат етті.
Адель дайындаған бейнеролик мазмұнының әлеуметтік маңыздылығы, шығармашылық тұжырымдамасы және сапалы орындалуы арқасында жоғары бағаланды. Жеңімпаз бағалы сыйлықтармен марапатталды.
Адельді жеңісімен құттықтаймыз және жетекшісі — Балықбаева А.С. — ұстазына көрсеткен қолдауы мен еңбегі үшін алғыс білдіреміз!
