Семей қаласында «Мектеп – колледж – балабақша: ынтымақтастық және сабақтастық» атты дөңгелек үстел өтті
2025 жылғы 21 қазанда Семей қаласының №50 орта білім беретін IT мектеп-лицейінде
«Мектеп – колледж – балабақша: ынтымақтастық және сабақтастық» тақырыбында дөңгелек үстел ұйымдастырылды.
Іс-шара аясында «Робототехника және жасанды интеллект» бағыты бойынша оқушылардың жобалар көрмесі өткізіліп, мектеп оқушылары өз жұмыстарын таныстырып, заманауи технологиялық дағдыларын көрсетті.
IT және жаңа технологиялар жоғары колледжінің директоры Кумашева Шәмшия Қайырбекқызы колледждің инновациялық жобалары туралы баяндап, білім беру ортасын цифрландыруға бағытталған Smart Campus жүйесінің дамуын таныстырды.
Кездесу соңында IT және жаңа технологиялар жоғары колледжі мен №50 IT мектеп-лицейі арасында ынтымақтастық туралы меморандумға қол қойылды. Бұл құжат бірлескен жобаларды, кәсіби бағдарлау жұмыстарын және білім беру бастамаларын дамытуға жаңа мүмкіндіктер ашады.
Осындай іс-шаралар оқу орындары арасындағы әріптестікті нығайтып, оқушылардың ақпараттық технологиялар саласына қызығушылығын арттырады, болашақ IT мамандарын даярлауға берік негіз қалайды.
