Өскеменде кәсіби шеберлік республикалық форумы өтті
Бүгін Өскемен қаласында техникалық және кәсіптік, орта білімнен кейінгі білім беру ұйымдарының педагогтары мен жұмыс берушілер өкілдері арасында кәсіби шеберліктің республикалық форумы өтті. Іс-шара Д. Серікбаев атындағы Шығыс Қазақстан техникалық университетінің базасында ұйымдастырылып, тәжірибе алмасу, ТжКБ жүйесін дамыту мәселелерін талқылау және бизнес сектормен ынтымақтастықты нығайту алаңына айналды.
Абай облысы атынан КГКП «IT және жаңа технологиялар жоғары колледжінің» директоры Кумашева Шәмшия Қайырбекқызы
«Білім беру саласындағы инновациялық тәжірибелер: тәжірибе және мүмкіндік» тақырыбында баяндама жасады.
Өз сөзінде ол білім беру сапасын және инклюзивтілігін арттыруға бағытталған цифрландыру, SMART-технологиялар және жасанды интеллектті білім беру үдерісіне енгізу бойынша колледждің табысты тәжірибесін таныстырды.
Форумның соңында сертификаттар табысталып, педагогтар мен студенттер өз салаларындағы кәсіби дағдыларын көрсеткен шеберлік алаңдарына экскурсия өткізілді.
Форум техникалық және кәсіптік білім беруді дамыту — жаңа буын мамандарын даярлаудың және ел экономикасының өсуінің маңызды негізі екенін айқын көрсетті.
